ᐱᓕᕆᐊᒃᓴᐅᕙᑦᑐᑦ ᐊᒻᒪᓗ ᐱᔨᒃᕈᑎᒃᓴᐃᑦ
ᑐᑭᓯᒋᐊᕐᕕᒃ ᑐᙵᓴᐃᕙᑦᑐᑦ ᐃᓄᓐᓂᑦ ᐃᑉᐱᒍᓱᖁᓪᓗᒋᓪᓗ ᖃᓄᐃᖏᑦᓯᐊᕐᓂᕐᒥᑦ, ᐊᑦᑕᓇᖏᑦᑐᒦᖁᓪᓗᒋᑦ, ᐊᑲᐅᔪᒦᖁᓪᓗᒋᑦ ᐊᒻᒪᓗ ᐃᑲᔪᖅᓱᖅᑕᐅᑦᓯᐊᕐᓂᕐᒥᑦ ᐃᑉᐱᒍᓱᖁᓪᓗᒋᑦ.
ᖃᐅᑕᒫᑦ ᑕᐃᑯᖓᖅᑐᖃᖃᑦᑕᕈᓐᓇᖅᑐᖅ
ᑐᑭᓯᒋᐊᕕᒃᑯᑦ ᐊᑐᐃᓐᓇᖃᖃᑦᑕᖅᑐᑦ ᐅᑯᓂᖓ:
- ᖃᐃᔪᑦ ᓴᐃᓕᓇᖅᑐᒦᖁᓪᓗᒋ ᐊᒻᒪᓗ ᐊᑦᑕᕐᓇᖅᑐᒦᖁᓇᒋᑦ
- ᑏᑐᒐᒃᓴᐃᑦ, ᑳᐱᒐᓴᐃᑦ, ᐸᓚᐅᒐᑦ, ᓂᖅᑎᐅᓯᒪᔪᑦ ᐅᓪᓛᕈᒥᑕᒐᒃᓴᐃᑦ ᐊᒻᒪᓗ ᐃᓄᐃᑦ ᓂᕿᓕᖅᑕᖏᑦ
- ᐃᓅᓯᓕᕆᔭᐅᒍᓐᓇᖅᑐᑦ: ᖃᖓᑐᐃᓐᓇᒃᑯᑦ ᐅᕝᕙᓘᓐᓃᑦ ᐃᓂᒃᓴᓕᐅᕐᓗᑎᒃ
- ᐃᓐᓇᐃᑦ ᐅᖃᐅᔾᔪᐃᔨᑦ ᐊᑐᐃᓐᓇᐅᔪᑦ
- ᐃᓕᖅᑯᓯᖏᓐᓂᒃ ᐱᓕᕆᐊᒃᓴᖅᑕᖃᐃᓐᓇᖅᑐᖅ
- ᐊᑐᐃᓐᓇᐅᒻᒥᔪᑦ ᐅᕕᓂᕐᓂᐊᕐᕖᑦ ᐊᒻᒪᓗ ᐊᓐᓄᕌᓄᑦ ᐅᐊᓴᕐᕖᑦ
ᐃᓅᓯᓕᕆᓂᖅ ᐊᒻᒪᓗ ᖃᓄᐃᖏᑦᓯᐊᖁᓪᓗᒋᑦ ᐱᓕᕆᐊᒃᓴᐃᑦ
ᐃᓅᓯᓕᕆᓂᕐᒧᑦ ᐊᑐᐃᓐᓇᐅᔪᑦ:
- ᐃᓄᑑᖃᑎᖃᕈᒪᒍᑎᒃ
- ᐃᓚᔮᕆᓪᓘᓐᓃᑦ ᑲᑎᖓᓗᑎᒃ
- ᐊᐃᑉᐸᕆᓐᓄᑦ ᑐᕌᖓᔪᑦ
- ᕿᒃᓴᕐᓂᕐᒧᑦ ᐃᓚᖓᖅᓯᒪᓂᕐᒥᓄᑦ
- ᐃᒥᐊᓗᒻᒧᑦ ᐊᒻᒪᓗ ᐊᔪᕈᑎᖃᕐᓂᕐᒧᑦ
- ᑎᒍᔭᐅᒪᓂᕐᒧᑦ
ᑎᒥᒧᑦ, ᐃᓱᒪᒧᑦ ᐊᒻᒪᓗ ᖃᓄᐃᖏᑦᓯᐊᕐᓂᕐᒧᑦ ᐱᓕᕆᐊᒃᓴᐃᑦ:
- ᐃᓅᓯᕐᒥᑦ ᑭᐱᓯᑦᑕᐃᓕᒪᓂᕐᒧᑦ
- ᓂᙵᐅᒪᓂᖃᕐᓂᕐᒧᑦ ᐃᑲᔪᖅᑕᐅᒍᑎᒃᓴᐃᑦ
- ᐃᑲᔪᖅᑕᐅᒍᑎᒃᓴᐃᑦ ᐃᓕᓐᓂᐊᕆᐊᓚᐅᖅᓯᒪᓂᑯᒥᓂᕐᓄᑦ ᐊᐅᓚᖅᑎᑕᐅᓪᓗᑎᒃ ᐊᒻᒪᓗ ᓯᕗᓪᓕᖅᐹᓂᒃ ᐃᓕᓐᓂᐊᕐᕕᖃᓚᐅᖅᓯᒪᔪᓄᑦ
ᒪᒥᓴᕐᓂᕐᒧᑦ ᐊᑐᖅᑕᐅᒍᓐᓇᖅᑐᑦ
ᒪᒥᓴᕆᐊᖅᑐᖃᑕᐅᓯᒪᔪᑦ ᐃᑲᔪᖅᑕᐅᓲᑦ ᖃᓄᖅᑑᕈᑎᒃᓴᖏᓐᓂᒃ ᐃᓅᓯᖏᓐᓂᒃ ᐊᒃᓱᕈᕈᑎᒋᔭᖏᓐᓂᒃ, ᐃᒻᒥᓂᓪᓗ ᐃᑉᐱᒋᑦᓯᐊᕆᐊᖃᕐᓂᕐᒥᑦ, ᓴᐱᓕᖅᑕᐃᓕᒍᑎᒃᓴᓂᒃ ᐊᒻᒪᓗ ᒪᑭᒋᐊᕈᑎᒃᓴᖏᓐᓂᒃ ᐃᓕᖅᑯᓯᖓᑎᒍᑦ.
- ᐅᐱᕐᖓᒃᓵᒃᑯᑦ ᐊᒻᒪᓗ ᐊᐅᔭᒃᑯᑦ ᓄᓇᒥ
- ᐊᔾᔨᒌᖏᑦᑐᑦ ᒪᒥᓴᐅᑎᒃᓴᐃᑦ ᐊᖑᑎᓄᑦ ᐊᒻᒪᓗ ᐊᕐᓇᓄᑦ
- ᐃᓄᓐᓂᑦ ᐃᓅᓯᓕᕆᔨᖃᖅᑐᑎᒃ ᐊᒻᒪᓗ ᐃᓐᓇᕐᓂᑦ ᐅᖃᐅᔾᔪᐃᔨᖃᖅᑐᑎᒃ
- ᐃᓄᐃᑦ ᐃᓕᖅᑯᓯᖏᓐᓂᒃ, ᐅᑉᐱᕆᔭᖏᓐᓂᒃ ᑐᙵᕕᖃᖅᑐᑎᒃ ᐊᐅᓚᑦᓯᖃᑦᑕᖅᑐᑦ
ᐃᓕᖅᑯᓯᕐᒥᓂᒃ ᐱᓕᒻᒪᒃᓴᕐᓂᖅ ᐱᕙᓪᓕᐊᑎᑦᓯᓂᖅ
ᐊᕐᕌᒍᓕᒫᑦ ᐱᓕᒻᒪᒃᓴᒍᑎᒃᓴᓂᒃ ᐊᑐᐃᓐᓇᐅᑎᑦᓯᖃᑦᑕᖅᑐᑦ:
- ᐊᑎᒋᓕᐅᕐᓂᖅ ᐊᒻᒪᓗ ᐊᒪᐅᓯᐅᕐᓂᖅ
- ᕿᓯᓐᓂᒃ ᑲᒪᓂᖅ
- ᑲᒻᒥᐅᒋᐅᖅᓴᓂᖅ
- ᓄᕕᓯᒋᐅᖅᓴᓂᖅ
- ᑐᑉᐱᐅᓂᖅ
- ᖃᒧᓯᐅᕐᓂᖅ
- ᐅᓗᓕᐅᕐᓂᖅ, ᐅᓈᓕᐅᕐᓂᖅ, ᓂᒃᓯᓕᐅᕐᓂᖅ, ᐊᒡᕕᓕᐅᕐᓂᖅ, ᐃᓐᓂᕐᕕᓕᐅᕐᓂᖅ, ᓄᓗᐊᓕᐅᕐᓂ
- ᐊᐅᓚᐅᓯᕆᓂᖅ
ᓄᓇᒥ ᐱᓕᒻᒪᓴᕐᓂᖅ ᐱᕙᓪᓕᐊᑎᑦᓯᓂᖅ
ᐊᕐᕌᒍᓕᒫᑦ ᐱᓕᒻᒪᒃᓴᒍᑎᒃᓴᓂᒃ ᐊᑐᐃᓐᓇᐅᑎᑦᓯᖃᑦᑕᖅᑐᑦ:
- ᐊᓯᕙᕐᓂᖅ, ᐃᖃᓪᓕᐊᓂᖅ, ᐊᒻᒪᓗ ᐊᓯᖏᓐᓂᑦ
- ᐊᐅᓛᖅᓯᒪᐃᓐᓇᖅᑎᑦᓯᓂᖅ ᐊᒻᒪᓗ ᓄᓇᒦᑲᐃᓐᓇᑎᑦᓯᓂᖅ
- ᓇᓗᓇᐃᒃᑯᑎᐅᕙᑦᑐᓂᒃ ᖃᐅᔨᒪᔭᕆᐊᖃᖅᑐᓂᒃ ᔭᒐᒃᑐᖃᕐᓂᕈᓂ ᐊᑐᕆᐊᓕᓐᓂᒃ
- ᓯᓚᓐᓂᐊᕐᓂᖅ
- ᐊᐅᓛᖅᓯᒪᓗᓂ ᓇᓗᓇᐃᑯᑎᐅᔪᓂᑦ ᖃᐅᔨᒪᓂᖅ
ᓄᓇᒥᐅᑦ ᐊᐅᓛᓯᒪᕕᖓᑦ
ᐊᐅᓛᖅᓯᒪᓂᕐᒥᑦ, ᐊᓯᕙᕐᓂᕐᒥᑦ ᐊᒻᒪᓗ ᐱᓇᓱᐊᕆᐊᓕᓐᓂᒃ
ᐊᐅᓛᖅᓯᒪᑲᐃᓐᓇᖃᑦᑕᖅᑐᑦ ᐅᓪᓗᓂᒃ ᐱᖓᓲᔪᖅᑐᓂᒃ ᐱᓇᓱᐊᕈᓯᓕᒫᕐᓘᓐᓃᑦ ᔪᓚᐃᒥ ᐊᒻᒪᓗ ᐋᒋᓯᒥ, ᐅᖓᓯᓐᓂᓕᒻᒥᑦ 12km ᐃᖃᓗᓐᓂᑦ.
- ᐃᓚᔮᕆᓄᑦ ᐊᒻᒪᓗ ᐃᓄᑑᓗᑎᒃ ᑕᐃᒃᑯᓄᖓ ᓅᖑᑎᒃᓴᖃᖏᑦᑐᓄᑦ
- ᐃᓄᓐᓂᑦ ᐊᐅᓚᑕᐅᓗᑎᒃ ᐃᓐᓇᕐᓂᑦ, ᐃᓅᓯᓕᕆᔨᓂᑦ ᐊᒻᒪᓗ ᐊᓯᕙᖅᑎᓂᒃ
- ᐅᓪᓗᑕᒫᑦ ᐃᓕᖅᑯᓯᖏᓐᓂᒃ ᐱᓕᕆᐊᒃᓴᖃᖅᑎᑕᐅᓪᓗᑎᒃ
- ᖃᐅᑕᒫᑦ ᐃᓅᓯᓕᕆᔾᔪᑎᒃᓴᓂᒃ
- ᐃᓚᔮᕆᑦ ᑲᑎᖓᑦᓯᐊᖅᑎᑕᐅᓪᓗᑎᒃ
ᐅᖃᐅᓯᕐᒧᑦ ᐱᕚᓪᓕᕈᑎᒃᓴᓂᒃ
ᐃᓄᒃᑎᑑᕈᓐᓇᖅᑐᓄᑦ, ᐃᓄᒃᑎᑑᕆᐅᖅᓴᔪᓄᓪᓘᓐᓃᑦ, ᐃᓄᒃᑎᑐᑦ ᐅᖃᐅᓯᕐᒥᓂᒃ ᐱᕙᓪᓕᐊᒍᒪᔪᓄᓪᓘᓐᓃᑦ.
ᐃᓚᐅᔪᑦ ᐃᓕᓐᓂᐊᖅᑎᑕᐅᓲᑦ:
- ᐃᓕᖅᑯᓯᖏᓐᓂᒃ ᐃᓄᒃᑎᑐᑦ ᐃᓕᓴᓲᑦ
- ᐅᖃᐅᓯᓕᕆᓂᕐᒥᑦ ᐊᒻᒪᓗ ᐃᓄᒃᑎᑐᑦ ᑕᐃᒍᓯᓂᒃ
- ᑕᐃᒪᐃᓐᓂᒃ ᖃᓄᑐᐃᓐᓇᑦᓯᐊᖅ ᐃᓄᒃᑎᑑᕆᐅᖅᓴᓂᖅ
