ᑭᓱᓕᕆᔨᐅᒻᒪᖔᑦᑕ
ᑐᑭᓯᒋᐊᕐᕕᒃᑯᑦ ᐅᑉᐱᕈᓱᑦᑐᑦ ᓄᓇᓕᒻᒥᐅᑦ ᓇᒻᒥᓂᖅ ᐊᔪᕐᓇᕈᑎᐅᕙᑦᑐᓄᑦ ᖃᓄᖅᑑᕈᑎᒃᓴᓂᒃ ᖃᐅᔨᒪᓂᖃᖅᑐᑦ.
ᑐᑭᓯᒋᐊᕐᕕᒃ ᑲᑎᒪᔨᖏᑦ ᐱᒋᐊᓚᐅᖅᓯᒪᔪᑦ ᐃᑲᔪᖅᑕᐅᒋᐊᖃᕐᓂᖏᓐᓄᑦ ᐃᓄᐃᑦ ᐃᓕᖅᑯᓯᖏᑦ ᐱᔾᔪᑎᒋᓪᓗᒋᑦ. ᐱᒋᐊᓚᐅᖅᓯᒪᔪᑦ ᐃᑲᔪᖅᑐᐃᒍᒪᓪᓗᑎᑦ ᐊᔾᔨᒌᖏᑦᑐᓂᒃ ᐊᒻᒪᓗ ᐃᓚᔮᕆᓄᑦ ᐃᓕᖅᑯᓯᖏᓐᓂᒃ ᒪᑭᒋᐊᕈᑎᒃᓴᓂᒃ. ᐃᑲᔪᕈᒪᓯᒪᔪᒍᑦ ᐃᓅᓯᖏᓐᓂᒃ ᐱᕚᓕᖁᔨᓪᓗᑕ ᐱᓕᒻᒪᓴᕐᓂᒃᑯᑦ, ᓄᓇᓕᓐᓂ ᐃᓅᓯᖃᑦᓯᐊᕋᓱᐊᕐᓂᕐᒧᑦ ᐊᒻᒪᓗ ᐃᓕᖅᑯᓯᖏᓐᓂᒃ ᐱᓕᒻᒪᒃᓴᓂᕐᒧᑦ ᑕᓱᐃᓂᕐᒧᑦ ᐃᓕᖅᑯᓯᖏᓐᓂᒃ. ᐊᕐᕌᒍᐃᑦ ᐊᓂᒍᖅᑐᑦ ᑐᑭᓯᒋᐊᕐᕕᒃ ᐱᕙᓪᓕᐊᑐᐃᓐᓇᖅᓯᒪᔪᖅ ᐃᖃᓗᓐᓂ, ᖃᐅᔨᒪᔭᐅᑦᓯᐊᓕᖅᑐᓂᓐᓗ ᐃᓚᓕᐅᔾᔨᑦᓯᐊᕐᓂᖏᓐᓂᒃ ᐃᓕᖅᑯᓯᖏᓐᓂᒃ ᐊᒻᒪᓗ ᐅᓪᓗᒥᓯᐅᑎᓂᒃ.
ᐅᓪᓗᒥ, ᑐᑭᓯᒋᐊᕐᕕᒃᑯᑦ ᑲᑎᒪᔨᖏᑦ ᐊᔾᔨᒌᖏᑦᑐᓂᒃ ᐊᑐᐃᓐᓇᐅᑎᑦᓯᖃᑦᑕᓕᖅᑐᑦ ᐃᓅᓯᖏᓐᓂᒃ ᐱᕚᓕᖁᓪᓗᒋᑦ. ᑐᑭᓯᒋᐊᕐᕕᒃ, ᖃᐅᑕᒫᑦ ᐅᓪᓛᕈᒻᒥᑕᖅᑎᑦᓯᓲᑦ, ᐅᓪᓗᕈᕐᒥᑕᒐᒃᓴᓂᒃ, ᐊᓐᓄᕌᓂᒃ ᐅᐊᓴᒍᓐᓇᖃᑦᑕᖅᑐᑦ, ᐅᕕᓂᕐᓂᐊᕈᓐᓇᖅᑎᑕᐅᓲᑦ, ᐃᓅᓯᓕᕆᔨᐅᓲᑦ, ᐃᖅᑲᓇᐃᔮᒃᓴᖅᓯᐅᖃᑎᒋᔭᐅᓲᑦ, ᐃᖅᑲᓇᐃᔮᕆᖃᑦᑕᖅᓯᒪᔭᖏᑦ ᓇᓗᓇᐃᔭᖅᑕᐅᓪᓗᑎᒃ ᑎᑎᕋᖅᑕᐅᓲᑦ ᐃᖅᑲᓇᐃᔭᒃᓴᓄᑦ ᐱᓇᓱᐊᕈᓐᓇᖁᓪᓗᒋᑦ. ᑐᑭᓯᒋᐊᕐᕕᒃ ᐊᒃᓱᐊᓗᒃ ᐊᑑᑎᖃᖅᓯᒪᔪᖅ ᐃᓕᖅᑯᓯᕐᒧᑦ ᒪᑭᒋᐊᕈᑎᐹᓗᕙᒻᒪᑦ ᐱᒋᐅᖅᓴᑎᓪᓗᒋᑦ ᐃᓄᐃᑦ ᐃᓕᖅᑯᓯᖏᓐᓃᖓᖅᑐᓂᒃ ᓴᓇᒋᐅᖅᓴᑎᑕᐅᓪᓗᑎᒃ ᐊᑎᒋᒥᒃ, ᑲᒻᒥᒋᐅᖅᓴᓂᕐᒥᑦ, ᓄᕕᓯᒋᐅᖅᓴᓂᕐᒥᑦ ᐊᒻᒪᓗ ᕿᓯᓐᓂᒃ ᑲᒪᒋᐅᖅᓴᓂᕐᒥᑦ ᐊᒻᒪᓗ ᓄᓇᒥ ᐃᓚᐅᑎᓪᓗᒋᑦ ᓄᓇᒦᒋᐅᖅᓴᓂᕐᒥᑦ, ᐃᓄᐃᑦ ᐃᓕᖅᑯᓯᖏᓐᓂᒃ ᐊᑐᖅᑐᑎᒃ ᐊᓯᕙᕐᓂᕐᒥᑦ. ᐃᓐᓇᐃᑦ ᐅᖃᐅᔪᐃᔨᐅᓪᓗᑎᒃ ᐊᒻᒪᓗ ᐃᓅᓯᓕᕆᕙᑦᑐᓂᑎᒃ ᓄᑲᖅᑎᓂᒃ, ᖃᓄᕐᓗ ᐃᓅᓯᕐᒥᑦ ᐊᑐᓚᐅᖅᑐᑦ ᐅᐱᒋᒃᑲᓐᓂᕈᒪᓪᓗᒋᑦ ᐅᐱᒍᓱᓐᓂᕐᒥᑦ ᐃᑉᐱᒍᓱᖁᓪᓗᒋᑦ ᓄᓇᖅᑲᑎᒌᑦ. ᑐᑭᓯᒋᐊᕐᕕᒃᑯᑦ ᐊᑐᖃᑦᑕᖅᑐᑦ ᐃᓄᐃᑦ ᐃᓅᓯᓕᕆᔾᔪᓯᖏᓐᓂᒃ ᐃᓚᓕᐅᔭᐅᓯᒪᑦᑎᐊᖁᓪᓗᒋᑦ ᐃᓄᐃᑦ ᐃᓕᖅᑯᓯᖏᑦ ᐊᒻᒪᓗ ᐅᓪᓗᒥᓯᐅᑎᐅᓕᖅᑐᓂᒃ.
ᑕᐃᒪᖓᑦ ᐊᕐᕌᒍ 2003, ᑐᑭᓯᒋᐊᕐᕕᒃ ᑐᙵᓱᑦᑎᑦᓯᓯᒪᔪᑦ ᐃᓄᓐᓂᑦ 131,000 ᖃᐃᖃᑦᑕᖅᑐᓂᑦ.
